Nanu mha wayal qmayah qu mmlikuy lga, ungat nya tmhzigal kwara qu kneril ka maki ngasal. Kya qu wal nya pzi'unga memaw msgaliq qu ywaw na kneril ru wal si gluw mhugil kruma, ana balay sbayhuw na kner-il ka maki ngasal mga, mutux tkziy hihiy na ngasal ru sluhuw nya squ tubung qu qnqyanux , thyayan nya musa mrawiy qu kneril ma. Trang mqwalax ru hmawr qu gong lga, mutux nha tpihun qu Halus mwah sa llyung, shongu nya qu qnqyanux mya , qba hiya ga galan nha tsbingan , mha ni mlikuy qu krayas mga, mhnuk ru msyawbiq qu qnqyanux nya, si sulu pgyax sa bsilung qu squlig lma. Yaqu kneril krayas mga, yan lwax na tgbil qu qnqyanux nya kinlokah lma.

　　Mkayal kwara qu mmrhuw mha "swawn ta qu Halus ka mrawiy na squliq qasa la?" , kmal qutux qu squliq kahul squ ginlhuyan mha "cila rgyax ru anay ta smuling btunux qu Halus qasa phqilaw ta" . Musa bal?ay rgyax ru cyugal ryax sinlingan nha btunux, memaw mtalah ka inibaqiy tmring kinmkilux qu btunux qasa la. Stu nha qutux mrkyas na mlikuy musa tmapih Halus. Tehuk ngasal qu tnu nha qasa lru kyalun nya qu Halus mita " talagay qu qsinuw cyux myan shtuy squ qutux qzyunam qasa, ini tehuh qu hi myan, 'sa sami rmaw ha isu kin krahu hi ru qruzyux qba, teta ini kzenga sgnyuhak gu qsinuw qasa. Smwal qu Halus ru mluw squ tun nha qasa , tehuk squ rhzyal qasa Iga, kyalun nha qu. Halus mha " usa klbing isu kin qruzyux qba , 'Sa mnaga kya qu qsinuw "sown nha , ini lawa ktwa cyux hmwaw qu squliq to babaw mha "na?gs kya klbing qu qsinuw pawsaw namu ki ..... " , qhyagun nha qu btunux ka cyugal nha ryax smuling , yasa wal ini 'rangaw mturuy, sikta ka wayal mzyup sa ngqwaq ni Halus Ia, ktan qu Halus cyux mspiray sa rhzyal, wal nya suqun mhuw qu qqhuniq ru kskasing gi kluxan, tpucing Iga cyux mha "qax" qu Halm giwan su singagay nya squ babaw cinbwanan qaniy ! raring kya Iga, ungat qu mutux tmhzigal sa kkneril lma.